ཅིའི་ཕྱིར་ནུ་མའི་བརྟག་དཔྱད་བྱེད་དགོས་སམ།

NSWནུ་མའི་བརྟག་དཔྱད་(BreastScreen NSW)ཀྱིས་བུད་མེད་རང་ལོ་50ནས་74བར་ཡིན་པ་རྣམས་ལོ་2རེའི་མཚམས་སུ་རྟག་པར་ནུ་མའི་བརྟག་དཔྱད་བྱེད་པར་གདན་ཞུ་བྱེད་ཀྱི་ཡོད།  

ནུ་མའི་བརྟག་དཔྱད་ཟེར་ན་ག་རེ་རེད་དམ། 

ནུ་མའི་བརྟག་དཔྱད་ནི། མིང་གཞན་ལ་མཱེ་མོ་གྷ་རམ་ཞེས་འབོད། དེ་ནི་ནུ་མར་གློག་པར་རྒྱག་པའི་བརྟག་དཔྱད་ཅིག་རེད། དེས་ཁྱེད་ཀྱིས་སྐྲན་རྡོག་ཆགས་ཀྱི་ཡོད་པའི་ཚོར་སྣང་མ་སྐྱེས་གོང་ནས། སྐྲན་ནད་ཆུང་ཆུང་འབྲས་རྡོག་ཙམ་ཞིག་ཡིན་ནའང་འཚོལ་བཤེར་ཐུབ། 

ནུ་མའི་སྐྲན་ནད་བཅོས་དུས་ཡག་ཤོས་དེ་ནི་སྐྲན་རྡོག་དེ་ཉིད་ཧ་ཅང་ཆུང་ཆུང་ཡིན་དུས་དེ་རེད། གལ་སྲིད་ནུ་མའི་སྐྲན་ནད་དེ་ཉིད་སྔ་པོ་ནས་རྙེད་ཐུབ་ན། སྨན་བཅོས་བྱ་རྒྱུར་སླ་བ་ཡོད། བུད་མེད་ཕལ་མོ་ཆེ་དྲག་སྐྱེད་ཡག་པོ་བྱུང་ནས་ཁོང་ཚོའི་རྒྱུན་ལྡན་གྱི་མི་ཚེར་ཕྱིར་ལོག་བྱེད་ཀྱི་ཡོད།  

རིག་གཞུང་རྒྱབ་ལྗོངས་ཚང་མའི་བུད་མེད་རྣམས་ལ་ནུ་མའི་སྐྲན་ནད་ཕོག་སྲིད་པ་རེད། ཁྱེད་རང་བདེ་ཐང་དུ་མངོན་ཚོར་སྲིད་མོད། ཁྱེད་ལ་ནད་རྟགས་ཅི་ཡང་མེད་པར་ནུ་མའི་སྐྲན་ནད་ཕོག་སྲིད་པ་རེད། (ནད།)   

ནུ་མའི་བརྟག་དཔྱད་ཅིའི་ཕྱིར་གལ་ཆེན་དུ་གྱུར་ཡོད་དམ། 

ནམ་ཞིག་བརྟག་དཔྱད་བྱེད་དགོས་པ། 

• རང་ལོ་50ནས་74ཡིན་གྲས་རྣམས་ལོ་གཉིས་རེའི་མཚམས་སུ་རྟག་པར། 
• དེར་ཁྱེད་ལ་སྨན་པའི་འོས་སྦྱོར་མི་དགོས།  
• བུད་མེད་རང་ལོ་40-49ཡིན་གྲས་དང་བུད་མེད་རང་ལོ་74ལས་རྒན་གྲས་རྣམས་ཀྱིས་ཀྱང་བརྟག་དཔྱད་བྱེད་ཆོག ། ཐོག་མར་ཁྱེད་ཀྱི་སྨན་པར་སྐད་ཆ་ཤོད་རོགས། 

ནུ་མའི་བརྟག་དཔྱད་ཇི་ལྟར་བྱེད་དགོས་པ། 

ཨང་གྲངས་འདིར་ཁ་པར་བཏང་ནས་ 13 20 50 ཐུག་འཕྲད་དུས་ཚོད་བཟོ་བའམ་ཡང་ན་ཡིག་སྒྱུར་དང་སྐད་སྒྱུར་ཞབས་ཞུ་ལེན་ཆོག ། འདི་ནས། 13 14 50 གལ་སྲིད་ཁྱེད་ལ་ཐུག་འཕྲད་དུས་ཆད་བཟོ་རྒྱུའི་ཆེད་སྐད་ཡིག་རམ་འདེགས་དགོས་ན།   

གལ་སྲིད་ཁྱེད་ཀྱི་ཐུག་འཕྲད་དུས་ཆད་ཐོག་སྐད་སྒྱུར་གྱི་ཞབས་ཞུ་དགོས་ན། BreastScreen NSW ལ་ཁྱེད་ཀྱིས་ཐུག་འཕྲད་དུས་ཆད་ག་དུས་བཟོས་ཡོད་མེད་བརྗོད་དགོས། ནང་མིའམ་ཡང་ན་གྲོགས་གྲོགས་མོས་ཁྱེད་ཀྱི་ཐུག་འཕྲད་དུས་ཆད་ཐོག་སྐད་སྒྱུར་བྱེད་མི་ཆོག །  

གལ་སྲིད་ཁྱེད་རང་ཕན་ཚུན་རོགས་རམ་ཆེད་བུད་མེད་གཞན་དག་རང་ཉིད་ཀྱི་རོགས་པར་འཁྲིད་ཡོང་འདོད་ན། ང་ཚོས་རུ་ཁག་ཐུག་འཕྲད་དུས་ཚོད་བཟོ་ཆོག་གི་རེད།  

NSWནང་དུ་ BreastScreen NSW བརྟག་དཔྱད་སྨན་ཁང་དང་རླངས་འཁོར་སྨན་ཁང་250ལྷག་ཡོད།  

གལ་སྲིད་ཁྱེད་ཀྱི་སྨན་པར་ཁྱེད་ཀྱི་བརྟག་དཔྱད་གྲུབ་འབྲས་འདྲ་བཤུས་བསྐུར་དགོས་ཚེ། ཁྱེད་ཀྱི་ཐུག་འཕྲད་དུས་ཆད་ལ་བཅར་སྐབས་ཁྱེད་ཀྱི་སྨན་པའི་འབྲེལ་གཏུགས་གནས་ཚུལ་འཁྱེར་ཡོང་དགོས། 

ཁྱེད་ཀྱི་ཐུག་འཕྲད་དུས་ཆད། 

• བརྟག་དཔྱད་སྐབས་ཁྱེད་ཀྱི་སྐེད་པ་ཡན་ཆད་གྱོན་ཆས་ཕུད་དགོས་པས། གྱོན་ཆས་སྟོད་སྨད་གཉིས་ཅན་གྱོན་ནས་ཡོང་དགོས།  
• ཐུག་འཕྲད་དུས་ཆད་ཉིན་མོར་གཟུགས་པོའི་ཐོག་ཕྱེ་ཞིབ་བྱུགས་རྫས་རིགས་དང་། དྲི་ཞིམ་ཆུ། བྱུགས་རྫས་རིགས་བེད་སྤྱོད་བྱེད་མི་ཉན། དེ་དག་གིས་ཁྱེད་ཀྱི་གློག་པར་ལ་གནོད་སྐྱེལ་སྲིད། 
• བུད་མེད་གློག་པར་རྒྱག་མཁན་(གློག་པར་རྒྱག་མཁན་འཕྲོད་བསྟེན་ལས་བྱེད་)ཞིག་གིས་ཁྱེད་རང་ཁང་མིག་ཅིག་གི་ནང་དུ་འཁྲིད་ནས་གྱོན་ཆས་ཕུད་ཀྱི་རེད། དེ་ནས་ཁྱེད་ཀྱི་ནུ་མ་རེ་རེར་གློག་པར་རྒྱག་གི་རེད།  
• གློག་པར་རྒྱག་རྒྱུ་ནི་མྱུར་པོ་རེད། བུད་མེད་ཁ་ཤས་ནུ་མ་བཙིར་སྐབས་བདེ་པོ་མེད་པའི་གནས་ཚུལ་ཡོང་སྲིད། ཁྱེད་ཀྱིས་ནུ་མའི་བརྟག་དཔྱད་སྐབས་དྲི་བ་ཅི་ཞིག་ཡོད་ཀྱང་ཐད་ཀར་བཀག་ནས་འདྲི་ཆོག །  
• གལ་སྲིད་ཁྱེད་ཀྱི་ནུ་མའི་བརྟག་མཱེ་མོ་གྷ་རམ་སྔོན་མ་དེ་ཉིད་BreastScreen NSW མེད་ཚེ། གློག་པར་སྔོན་མ་དེ་ཉིད་འཁྱེར་ཡོང་དགོས། 

ང་ཚོའི་ལས་བྱེད་པར་ཤོད་རོགས། གལ་སྲིད་ཁྱེད་རང་།:  

• སྦྲུམ་མ་ཡིན་པའམ་ཕྲུ་གུ་ནུ་གསོ་བྱེད་བཞིན་ཡོད་པ། 
• ནུ་མ་བཟོ་བཅོས་བྱས་ཡོད་པ། 
• སྙིང་གཤག་བཅོས་ཀྱིས་འཕར་རྩའི་འཕྲུལ་ཆས་བཅུག་ཡོད་པ། 
• འགུལ་སྐྱོད་དམ། རྒྱབ་ཡང་ན་དཔུང་པར་དཀའ་ངལ་ཡོད་པ།